Мектепішілік "Жас полиция көмекшілері" ұйымының жиналысы өтті

Н.Островский атындағы №8 орта мектебінде мектепішілік тәртіпті қадағалау бойынша құрылған "Жас полиция көмекшілері" ұйымының кезекті жиналысы өтті. Кішкентай жас полицейлер ұйымға жаңадан қосылған белсенділерге түсіндіру жұмыстарын жүргізіп, ұйымның мақсаты мен мүшелерімен таныстырып өтті. Сонымен қатар, мектеп өмірінде қауіпсіздік ережелері, салауатты өмір-салтын сақтаудың маңыздылығы, зиянды әдеттерден аулақ болу, балалар арасындағы құқық бұзушылықтың алдын алу бойынша көмек көрсету жұмыстары талқыланды. Оқушылар ұйым жұмыстарын жандандыру бойынша өз пікірлерімен бөлісіп, ұсыныстарын айтып өтті.