"8 наурыз - Халықаралық әйелдер күніне" орай мерекелік концерт

Бүгін мектебімізде 8 наурыз - Халықаралық әйелдер күніне орай "Ана деген - махаббат" атты мерекелік іс-шара өтті. Шара барысында мектеп директоры С.Долаев ұстаздар мен мектеп қызметкерлерін көктемнің шуақты мерекесімен құттықтай отыра, алғыс хаттар мен арнайы грамоталармен марапаттады. Концерттік бағдарламаға сәйкес оқушыларымыз аяулы ана жайлы ән шырқап, өлең-жырларын оқыды. 11 "А", "Ә" сынып оқушылары жүрек тебірентерлік көрініс пен бүлдіршіндермен "Ана" әнін хормен орындады. 11 "В" сынып оқушылары танымал әндерден попурри айтып, көңілдерді бір сергітті. Сонымен қатар, кішкентай биші-ханшайымдарымыз испан биін биледі. Мерекелік іс-шара барша әйелдер қауымына ерекше әсер, шаттық пен қуанышқа толы көңіл-күй сыйлай білді. Концерттің ұйымдастырылуына ат салысқан барша ұстаздар мен оқушыларға мектеп әкімшілігі атынан үлкен алғыс айтамыз!