Бүгін мектеп лагерінің кезекті күнінде оқушыларымыз өзара бірнеше командаларға бөлініп, спорттық ойындар жарысын өткізді. Жарыс қатысушылары жүгіру, секіру, допты көздеп лақтыру сынды түрлі сайыс түрлерінен өтті. Жаз мезгілінде барынша салауатты өмір салтын ұстанатын балалар, денсаулықты қалыпты ұстаудың негізгі көзі спорт екенін тағы да бір дәлелдеді.

Бүгін "Күншуақ" мектеп лагерінің орта буын сыныптарына арналған арнайы жоспарымен жаңа 3 маусымы ашық деп жарияланды. Оқушылар лагерьдің ашылу салтанатында би билеп, ән шырқап, өз өнерлерін көрсетті. Алдағы аптада балаларды қызықты демалыс сәттері күтуде.

'Менің отаным-Қазақстан" облыстық туристік экспедициялық жасақтар слетінде 1 орынға ие болған ИСТОКИ командасын құттықтаймыз. Жеңіс құтты болсын!

Бүгін "Истоки" тарихи-өлкетану клубының жас турист белсенділері экологиялық форумға қатысты. Іс-шарада туған өлке экологиясының өзекті мәселелері белсенді түрде қарастырылды. Жас туристтер форумда түрлі экологиялық сауалдар бойынша өз пікірлерімен бөлісті. Әсіресе белсенділік танытып, ерекше көзге түскен оқушылар - 11 сынып оқушысы - Корниенко Ксения және 9 сынып оқушысы - Тищенко Алена. Клуб жетекшісі - Литвинова Александра Николаевна.